Qazaqstan men AQSh qorǵanys vedomstvolarynyń ókilderi yntymaqtastyq josparyn talqylady
20:48, 07 Jeltoqsan 2021
NUR-SULTAN. QazAqparat - Nur-Sultan qalasynda Qazaqstan Respýblıkasy men Amerıka Qurama Shtattary qorǵanys vedomstvolary jumys toptarynyń úılestirýshi-ofıtserlerimen otyrys ótti. Qorǵanys vedomstvolarynyń ókilderi 2022 jylǵa arnalǵan ekijaqty áskerı yntymaqtastyq josparynyń jobasyn talqylady.
Eki eldiń ózara is-qımyly máselelerindegi negizgi basymdyq áskerı bilim berý, bitimgershilik, materıaldyq-tehnıkalyq qamtamasyz etý, kásibı áskerı-medıtsınany jáne ınjener kadrlardy daıarlaý máselelerin sheshýge baǵyttaldy.
Qorǵanystaǵy ózara is-qımyldyń osy jáne ózge de aspektileri qazirgi ýaqytta qol qoıýǵa ázirlenip jatqan 2023-2027 jyldarǵa arnalǵan yntymaqtastyqtyń kezekti besjyldyq josparynda kórsetilgen.
Taraptar jyl saıyn jumys babymen ótetin kezdesýler barysynda ekijaqty áskerı yntymaqtastyqty damytý úshin sarapshylar naqty baǵdarlardy jan-jaqty talqylap, aıqyndaı alatynyn atap ótti.