Qazaqstan men AQSh QK arasynda yntymaqtastyqtyń basymdyqty baǵyttary belgilendi
Júzdesý barysynda Qazaqstan men Amerıka Qurama Shtattarynyń ekijaqty áskerı yntymaqtastyǵynyń aǵymdaǵy ózekti jáne perspektıvalyq máseleleri talqylandy, dep habarlaıdy QR Qorǵanys mınıstrliginiń baspasóz qyzmeti.
Atap aıtqanda, 2018-2022 jyldarǵa arnalǵan bes jyldyq jospardyń jańa jobasymen jumys jasaý tilge tıek etildi. Sonyń ishinde, áskerı-dalalyq medıtsına, ınjenerlik-saperlik bólimshelerdiń jeke quramyn daıarlaý salasyndaǵy Qazaqstan men AQSh-tyń yntymaqtastyǵyn óristetý boıynsha ortaq máseleler talqyǵa salyndy. Sonymen qatar, kezdesý barysynda taraptar qazaqstandyq bitimgershilik áleýetti nyǵaıtý aspektileri men óńirlik qaýipsizdiktiń jalpy máselelerin qozǵady.
Resmı sapar sheńberinde amerıkandyq delegatsııanyń QR QK ulttyq áskerı-patrıottyq ortalyǵyna jáne QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetine barýy josparlanǵanyn aıta ketken jón. QR QK Qurlyq áskerleriniń bas qolbasshysy general-maıor Murat Bektanov, sondaı-aq, Ulttyq qorǵanys ýnıversıtetiniń bastyǵy general-maıor Ashat Ryspaev AQSh Qarýly Kúshteri Ortalyq qolbasshylyǵy Qurlyq komponentiniń qolbasshysy general-leıtenant Maıkl Garretpen ekijaqty kezdesý ótkizedi.