Qazaqstan memlekettik shekara arqyly 12 avtomobıl ótkizý beketin ashady

NUR-SULTAN. QazAqparat - QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa Reseı Federatsııasymen jáne Ózbekstan Respýblıkasymen memlekettik shekara arqyly 12 avtomobıl ótkizý pýnktiniń jumysyna tyıym salýdy alyp tastaý týraly sheshim qabyldady.

2022 jylǵy 12 shildeden bastap Qazaqstan Respýblıkasy Úkimetiniń qaýlysyna sáıkes mynadaı avtomobıl ótkizý pýnktteriniń jumysy qaıta bastalady:

- Reseı Federatsııasymen shekara arqyly (Qondybaı, Aqbalshyq, Qyzyljar, Naıza, Jezkent, Baıtanat, Qoıanbaı, Orda, Shaǵan, Qarashataý);

- Ózbekstan Respýblıkasymen (Tselınnyı jáne Syrdarııa) shekara arqyly.

«Bul rette, QR Densaýlyq saqtaý mınıstrligi el turǵyndary arasynda koronavırýs ınfektsııanyń taralýyna jol bermeý maqsatynda azamattarǵa ýaqtyly koronavırýs ınfektsııasynaa qarsy vaktsınatsııadan ne revaktsınatsııadan ótýdi usynady»,-delingen habarlamada.