Qazaqstan mektepteriniń úzdik spıkerleri fınaldyq týrnırde pikirtalastyrady

ASTANA. QazAqparat – 120 qazaqstandyq oqýshy 16-17 aqpanda Astanada ótetin Ulttyq pikirsaıys týrnıriniń fınalyna qatysady, dep habarlaıdy QazAqparat Oqý-aǵartý mınıstrliginiń baspasóz qyzmetine silteme jasap.

Buǵan deıin Ulttyq pikirsaıys týrnıriniń aýdandyq, qalalyq, oblystyq kezeńderi ótti. Oǵan qazaq, orys jáne aǵylshyn lıgalarynan 43 myń oqýshy qatysqan bolatyn. Fınalǵa 120 spıker joldama aldy. Olar bilim berý uıymdarynyń 9-11 (12) synyp oqýshylary.

«Baǵdarlama boıynsha «Birlik» tanysý keshi, yntymaqtastyrýǵa arnalǵan trenıng, «Quiz, Please» oıyn-saýyq sharasy, týrnır qatysýshylarynyń áseri týraly blıts-suhbat, ekskýrsııa uıymdastyrylady», - deıdi Oqý-aǵartý mınıstrligi Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.

Ulttyq pikirsaıys týrnıriniń qorytyndy kezeńi astanadaǵy ál-Farabı atyndaǵy oqýshylar saraıynda bolady. Saıystyń barlyq kezeńi amerıkalyq parlamenttik format (APF) boıynsha ótkiziledi. Aıta keteıik, qazirgi kúni respýblıka boıynsha 6726 pikirsaıys klýby jumys isteıdi. Onda 120 myńnan astam oqýshy quqyqtyq mádenıetti, azamattyq belsendilikti, jaýapkershilikti, shyǵarmashylyq jáne synı oılaýdy, komandada jumys isteýdi úırenip jatyr.