Qazaqstan MÁMS-ten bas tarta ma?

NUR-SULTAN. QazAqparat – Prezıdenttiń Joldaýda aıtqan synynan keıin elimiz mindetti áleýmettik medıtsınalyq saqtandyrý júıesinen bastartýy múmkin be? Ortalyq kommýnıkatsııalar qyzmetinde ótken brıfıngide QR Densaýlyq saqtaý mınıstri Ajar Ǵınııatqa osyndaı suraq qoıyldy, dep habarlaıdy QazAqparat tilshisi.

«Medıtsınalyq saqtandyrý júıesinen bas tartý keri ketý bolyp esepteler edi. MÁMS engizigennen keıin byltyr densaýlyq saqtaý júıesine qosymsha 0,5 trln teńge, bıyl 800 ln teńge keldi», - dep jaýap berdi Ajar Ǵınııat.

Mınıstr ol qarajattyń qaıda baǵyttalyp jatqanyna toqtaldy.

«Bul qosymsha jańa tehnolgııalar, qyzmetterdiń aıasyn keńeıtý, qurylǵylar satyp alý, densaýlyq saqtaý salasyna ınvestıtsııa salý, halyqtyń turmysy men densaýlyǵyn nyǵaıtý sııaqty ıgilikter degen sóz. Bulardan qalaı bas tarta alamyz? Sondyqtan bizdiń mindet – MÁMS júıesin jetildire túsý», - dedi Densaýlyq saqtaý mınıstri.