Qazaqstan Maldıvke turaqty reıster ashady
14:56, 08 Qyrkúıek 2021
NUR-SULTAN. QazAqparat - 2021 jylǵy 4 qazannan bastap «Eır Astana» áýe kompanııasy Almaty-Male baǵytynda 4 turaqty reıs ashady. Reısterdi B767 jáne A321LR áýe kemeleri oryndaıdy.
QR Indýstrııa jáne ınfraqurylymdyq damý mınıstrliginiń baspasóz qyzmetiniń habarlaýynsha, bul baǵyttaǵy ushýlar sanyn arttyrý epıdemıologııalyq jaǵdaıǵa jáne Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń sheshimderine baılanysty qabyldanady.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.
Osyǵan deıin Qazaqstanna Reseıge jáne Túrkııaǵa reıster sany artatyny habarlanǵan bolatyn.