Qazaqstan MAGATE Bas konferentsııasynyń jumysyna qatysýda

VENA. QazAqparat - Venada Atom energetıkasy jónindegi halyqaralyq agenttigi (MAGATE) Bas konferentsııasynyń 66-sessııasy óz jumysyn bastady, dep habarlaıdy QazAqparat QR Energetıka mınıstrligine silteme jasap.

MAGATE-ge múshe 175 memlekettiń qatysýymen Bas konferentsııanyń 66-sessııasy 26-30 qyrkúıek aralyǵynda ótedi.

Bir apta ishinde delegattar birqatar taqyryptardy, sonyń ishinde ıadrolyq jáne fızıkalyq qaýipsizdik, MAGATE kepildikteriniń tıimdiligi men pármendiligin arttyrý jáne basqa da máselelerdi talqylaıdy.

27 qyrkúıekte plenarlyq sessııada Qazaqstan delegatsııasynyń basshysy – QR Energetıka vıtse-mınıstri Jandos Nurmaǵanbetov baıandama jasaıtyny kútilýde. Delegatsııa quramynda QR Energetıka mınıstrliginiń, QR Syrtqy ister mınıstrliginiń, «QR Ulttyq ıadrolyq ortalyǵy» RMK, «Qazatomónerkásip» UAK» AQ jáne «Qazaqstandyq atom elektr stantsııalary» JShS ókilderi bar.

Konferentsııa barysynda qazaqstandyq delegatsııa AQSh, Frantsııa, Úndistan, Eýropalyq komıssııa ókilderimen, sondaı-aq AEHA bas dırektory Rafael Marıano Grossımen jáne MAGATE qurylymdyq bólimsheleriniń ókilderimen ekijaqty kezdesýler ótkizedi.

Eske salaıyq, Bas konferentsııa atom baǵyty salasyndaǵy strategııalyq máselelerdi talqylaý alańy bolyp tabylady.