Qazaqstan-Lıýksembýrg fýtbol matchyna tóreshiler belgilendi

<p>ASTANA. KAZINFORM - Fýtboldan Ulttar lıgasy pleı-off satysyndaǵy Qazaqstan jáne Lıýksembýrg kezdesýinde Germanııa elinen Dannı Makkelı bastaǵan tóreshiler brıgadasy qyzmet atqarady.&nbsp;</p>

Bas tóreshi - Krıstıan Dıngert. Oǵan Robert Kempter men Krıstıan Dıtz kómekshilik jasaıdy. Qosalqy tóreshi - lıýksembýrgtik Ivý Torresh.

Qazaqstan jáne Lıýksembýrg kezdesýi naýryzdyń 26-nan 27-ne qaraǵan túni elorda ýaqytymen 00:45-te bastalyp, «Qazsport» telearnasynan tikeleı efırde kórsetiledi.

Eki qurama 2024 jylǵy Eýropa chempıonaty fınaldyq satysyna joldama beretin Ulttar lıgasy pleı-off satysy jartylaı fınalynda jeńilip, jarys jolynan shyǵyp qaldy. Bul jarysta syrt alańda Lıýksembýrg Grýzııaǵa 0:2, Qazaqstan Grekııaǵa 0:5 esebimen jol berdi.

Aıta ketsek, Lıýksembýrg Qazaqstan quramasynyń Eýropa qurlyǵyndaǵy 43-shi qarsylasy bolady.

Ázirge qazaqstandyq fýtbolshylar eresekter arasynda Bolgarııa, Gıbraltar, Izraıl, Ispanııa, Italııa, Kosovo, Lıhtenshteın, Norvegııa, Soltústik Makedonııa, Ýels jáne Shveıtsarııa quramalarymen oınaǵan joq.