Qazaqstan LPI logıstıkalyq tıimdilik ındeksin joǵarylatty

ASTANA. QazAqparat - Qazaqstan halyqaralyq logıstıkalyq reıtınginde (LPI) on bir basqyshqa kóterilip, 160 eldiń ishinde 77 orynǵa turaqtady. Bul TMD elderindegi úzdik kórsetkish. Bul týraly «Qazaqstan temir joly» UK» AQ-nyń baspasóz qyzmeti habarlady.

2020 jyldary Qazaqstan logıstıkalyq qolaıly 40 eldiń qataryna kirýge nıetti. Ol úshin «QTJ» UK» AQ ulttyq logıstıkalyq operator retinde tıisti ınfraqurylymdy damytyp, kedendik resimdeýdi jeńildetip, tasymaldaýǵa aqparattyq tehnologııany engizýdi kózdeıdi.

Onyń syrtynda, «Qazaqstan temir joly» kompanııasy Qazaqstannyń ǵalamdyq naryqtaǵy básekelestigin ósirý úshin aralas júkterdi tasymaldaý kólemin arttyrady. Osy maqsatta temir jol men áýekóligimen aralas tasymaldaý úshin jańa kólik ónimi -  «Rail-Air» usynady.

Bul ónimniń balamaly negizde Ońtústik Shyǵys Azııanyń Dýbaıdy Eýropamen jalǵaıtyn «Sea-Air» logıstıkalyq tizbeginen sál jyldamdyǵy tómendeý. Alǵashqy áýe júk tasymaly Qytaıdan Eýropaǵa, Iran, Reseı, Túrkııaǵa 2017 jyly jiberiledi.

Eske sala ketsek, LPI - Álem bankiniń logıstıkalyq qyzmet tizbeginiń tıimdiligin baǵalaýdyń halyqaralyq reıtıngi. Onyń nátıjesi jalpy álemdik halyqaralyq ekspedıtorlyq kompanııalar men ekspress jetkizý qyzmetiniń málimetterine negizdeledi. Álemdik banki LPI Indeksin  eki jylda bir ret shyǵarady. Ol óz kezeginde memleketterge logıstıka júıesiniń múmkindigin tańdaýǵa yńǵaıly bolady.