Qazaqstan lıtıı óndirisin jolǵa qoımaq

<p>ASTANA. KAZINFORM &ndash; Qazaqstan lıtıı óndirisin jolǵa qoıýdy josparlap otyr. Bul týraly Ónerkásip jáne qurylys mınıstri Qanat Sharlapaev aıtty.</p>

«Koreıa Qazaqstannyń ınvestıtsııa boıynsha eń úlken 5 seriktesiniń biri sanalady. Qazirgi tańda KІA zaýyty salynýda. Ony kelesi jyly ashamyz. Bul - ónerkásipke baılanysty birinshi másele. Ekinshiden, búginde Koreı geologııalyq-geofızıkalyq jáne mıneraldy resýrstar ınstıtýty Qazaqstanda sırek metaldarǵa – lıtııge geologııalyq barlaý júrgizip jatyr. Osyǵan oraı búgin kelisimshartqa qol qoıamyz. Osy jumystar aıaqtalǵannan keıin elimizde lıtıı óndirýge múmkindik bolady. Qazirgi tańda mundaı óndiris elimizde joq», - dedi mınıstr búgin Aqordada.

Mınıstrdiń naqtylaýynsha, koreıalyq ınstıtýt elimizdiń Shyǵys Qazaqstan oblysynda lıtıı ken ornyna barlaý júrgizip jatyr. Atalǵan metaldan kólikterge arnalǵan batareıalar shyǵarylady.

Aıta keteıik, búgin Aqordada Memleket basshysy Qasym-Jomart Toqaev pen Qazaqstanǵa úshkúndik memlekettik saparmen kelgen Ońtústik Koreıa Prezıdenti ıÝn Sok El arasynda kelissózder ótedi.