Qazaqstan Qytaıǵa eksportty arttyrýǵa daıyn — Álıhan Smaıylov

ASTANA. QazAqparat – Premer-Mınıstr Álıhan Smaıylov pen Qytaıdyń Shandýn provıntsııasy partııa komıtetiniń hatshysy Lın Ý saýda-ekonomıka jáne kólik-logıstıka salalaryndaǵy yntymaqtastyqty jandandyrý máselesin talqylady, dep habarlaıdy QazAqparat Úkimet basshysynyń baspasóz qyzmetine silteme jasap.

Úkimet basshysy búginde Qazaqstan men Qytaı arasyndaǵy jalpy taýar aınalymy kóleminiń 6% astamy Shandýnǵa tıesili ekenin atap ótti. Sonymen qatar Qazaqstan óz ónimderin Qytaı naryǵyna odan ári ilgeriletýge jáne ózara is-qımyldyń jańa baǵyttaryn qarastyrýǵa múddeli. Osyny eskere otyryp, «Bir beldeý, bir jol» bastamasy sheńberinde kólik áleýetin damytý jáne ózara is-qımyldy tereńdetý erekshe ózekti.

Bir kún buryn Almatyda Qazaqstan arpasyn QHR-ǵa jetkizý úshin «Qytaı–Eýropa» baǵyty boıynsha alǵashqy keri baǵyttaǵy poıyzdyń iske qosylýy osyǵan yqpal etetin bolady. Biz osy baǵyt arqyly Qazaqstan ónimderin jetkizýdi arttyrýǵa jáne jetkiziletin taýarlar men qyzmet túrlerin keńeıtýge daıynbyz

, — dedi Álıhan Smaıylov.

Sondaı-aq Premer-Mınıstr Astanada Shandýn provıntsııasymen yntymaqtastyq jónindegi Qazaqstan-Qytaı forýmyn ótkizýdiń mańyzdylyǵyn atap ótti.

Bul is-shara bizdiń isker toptarymyz arasyndaǵy ónimdi saýda-ınvestıtsııalyq ózara qarym-qatynastardy keńeıtýge múmkindik beretini sózsiz

, — dedi ol.

Óz kezeginde Lın Ý Shandýn provıntsııasy men Qazaqstan óńirleri arasynda ónimdi yntymaqtastyq ornaǵanyn atap ótti. Bul rette aýyl sharýashylyǵy ónimderin tereń óńdeý, saýda jáne logıstıkalyq ınfraqurylym qurylysy salalaryndaǵy ózara is-qımyldy keńeıtý boıynsha úlken áleýet bar.

Bul joly bizben birge Shandýn provıntsııasynan atalǵan salalardaǵy 100-den astam kásiporynnyń ókilderi keldi. Biz birqatar birlesken saýda-ekonomıkalyq jobalarǵa qol qoıamyz dep otyrmyz. Ortaq kúsh-jigerdiń arqasynda bolashaqtaǵy yntymaqtastyǵymyz keńeıetinine senimdimiz. Biz kásiporyndarymyz arasyndaǵy seriktestikti tereńdetip, birlesken jobalardy kóbirek júzege asyrýǵa daıynbyz

, — dedi Lın Ý.

Shandýn provıntsııasy Qytaıdyń shyǵys jaǵalaýynda ornalasqan aýylsharýashylyq óndirisi boıynsha mańyzdy aımaq. Munda bıdaı, maqta, jerjańǵaq, temeki, dándi daqyldar jáne t.b. ósiriledi. Shandýn – eldiń negizgi baý-baqsha jáne egistik aımaqtarynyń biri, sý ónimderi men tut pillesin ósirýdiń jetekshi ortalyqtary.

2022 jylǵy jeltoqsanda «QTJ» UK» AQ men QHR-dyń iri port operatory «Shandýn port toby» yntymaqtastyq týraly memorandýmǵa qol qoıdy. Onyń sheńberinde mýltımodaldy konteınerlik qyzmetter men ilespe tsıfrlyq ónimderdi damytý jóninde ýaǵdalasty.