Qazaqstan Qytaıǵa aýyl sharýashylyǵy ónimderiniń eksportyn keńeıtýge múddeli
17:44, 17 Mamyr 2023
SIANЬ. QazAqparat – Qazaqstan Qytaıǵa aýyl sharýashylyǵy ónimderiniń eksportyn keńeıtýge múddeli. Bul týraly Prezıdent Qasym-Jomart Toqaev memlekettik sapary barysynda Sı Tszınpınmen júrgizilgen kelissóz kezinde aıtty, dep habarlaıdy QazAqparat Aqordaǵa silteme jasap.
«Qazaqstan Qytaıǵa jiberiletin aýyl sharýashylyǵy ónimderiniń eksportyn keńeıtýge múddeli. Tek byltyr aýyl sharýashylyǵy ónimderiniń ózara saýda-sattyq kólemi 780 mln dollardan asty. Qazaqstan burshaq daqyldaryn, joǵary sapaly ári ekologııalyq taza muzdatylǵan sıyr jáne qoı etin jetkizýge daıyn», - dedi Prezıdent.