Qazaqstan-Qytaı shekarasynan 80 keli dári-dármekti zańsyz ótkizbek bolǵan azamat quryqtaldy
11:25, 03 Aqpan 2015
ASTANA. QazAqparat - Qazaqstandyq shekarashylar dári-dármekti zańsyz ótkizbek bolǵan azamattyń jolyn kesti, dep habarlaıdy QR UQK ShQ baspasóz qyzmetinen.
«Qazaqstan-Qytaı shekarasyndaǵy «Qorǵas» baqylaý-ótkizý beketinde 8 qorapqa salynǵan, jalpy salmaǵy 80 keli bolatyn dári-dármekti kontrabandalyq jolmen ótkizýge árekettengen 25 jastaǵy Qazaqstan Respýblıkasynyń azamaty ustaldy», delingen habarlamada.
Ustalǵan azamat Qytaıdan Qazaqstanǵa jaıaý ótip kele jatqan. Atalǵan derek boıynsha materıaldar Almaty oblysynyń Panfılov aýdandyq prokýratýrasyna berildi.