Qazaqstan-Qytaı shekarasynan 600 keli baldy alyp ótpek bolǵan azamat ustaldy
10:02, 18 Mamyr 2015
ASTANA. QazAqparat - Qazaqstan-Qytaı shekarasynan jarty tonnadan astam baldy alyp ótpek bolǵan qytaılyq azamat ustaldy.
«Elimizdiń shyǵysynda ornalasqan «Kóljat» baqylaý-ótkizý beketiniń baqylaýshylary elimizden kórshiles memleketke ara balyn zańsyz jolmen áketip bara jatqan qytaılyq azamatty ustady. Onyń avtokóligin qaraý kezinde odan salmaǵy 600 keliden asatyn bal tabyldy», dep habarlaıdy QR UQK Shekara qyzmetiniń baspasóz qyzmetinen.
Qazirgi ýaqytta atalǵan kontrabandalyq júk veterınarlyq qyzmetke berildi.