Qazaqstan-Qytaı gaz qubyrynyń úlken saıası-ekonomıkalyq máni bar - Q. Sultanov

A. Qarashanyń 19-y. QazAqparat /Qanat Mámetqazyuly/ ‑   Bul týraly búgin QR Parlamenti Senatynyń jalpy otyrysynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qazaqstan - Qytaı gaz qubyryn salý men paıdalanýdaǵy yntymaqtastyq týraly kelisimdi ratıfıkatsııalaý týraly» jobany talqylaý barysynda senator  Qýanysh Sultanov málim etti,

 dep habarlaıdy QazAqparat.

«Atalǵan gaz qubyrynyń elimiz úshin áleýmettik-turmystyq mánimen qosa, saıası-ekonomıkalyq mańyzy da zor. Joba búkil óńirde buryn sońdy bolmaǵan jańa sapa, jańa deńgeıge jol ashaıyn dep tur. Ásirese, bul baǵyttaǵy Beıneý-Bozoı jelisiniń múmkindigi elimiz úshin aıtarlyqtaı serpindi bolmaq. Qytaı tarapynan memleketishilik rásimder tolyq aıaqtalyp, bul jobalarǵa úlken qyzyǵýshylyq bildirip otyrǵanyn kórsetti. Jalpy, bul kelisimge 2007 jyly qol qoıylǵan, biraq Parlamentke kesheýildep kelip tústi», dedi senator. Onyń aıtýynsha, Senattyń turaqty komıtetterinen eshqandaı eskertpeler túspegen.