«Qazaqstan-Qytaı» gaz qubyrynyń qýaty ulǵaıtylady
Osy obektilerdiń jumysy «S» jelisiniń ótkizý qabiletin jylyna 20 mlrd. tekshe metr gazǵa deıin ulǵaıtýǵa múmkindik beredi. Barlyq úsh «A», «V» jáne «S» jelileriniń jıyntyq ónimdiligi gaz tasymaldaý jónindegi zamanaýı, joǵary tehnologııalyq jabdyqtardy bildiretin barlyq kompressorlyq stantsııalardyń qurylysy aıaqtalǵannan keıin jylyna 55 mlrd. tekshe metrge jetedi.
Jańa kompressorlyq stantsııalar QR gaz tasymaldaý júıesi úshin «Rolls-Royce» jáne «General Electric» kompanııalarynyń álemdegi jetekshi gaztýrbınalyq jáne kompressorlyq tehnıkasyn óndirýshilerden alynǵan ınnovatsııalyq jab¬dyqpen jaraqtalǵan. Ornatylǵan gaz aıdaýshy agregattar «QazTransGaz» AQ-nyń arnaıy tapsyrysy boıynsha oryndalǵan ári taıaý jáne alys shet elderde balamasy joq. Innovatsııalyq jabdyq, sondaı-aq kómekshi júıeler kesheni magıstraldyq gaz qubyry paıdalanylatyn búkil kezeń ishinde qaýipsiz jáne tehnologııalyq úzdiksiz gaz tasymaldaýdy qamtamasyz ete alady.
Budan basqa, agregattardy ázirleý kezinde ekologııalyq quraýyshy da eskerildi, kompressorlyq stantsııalar zııandy zattardyń atmosferaǵa barynsha az shyǵarylýyn qamtamasyz etetin qurǵaq shyǵaryndylardy basatyn júıemen jaraqtandyrylǵan.
Jańa obektilerdi paıdalanýǵa bere otyryp, «QazMunaıGaz» UK» AQ gaz tasymaly jáne marketıng jónindegi vıtse-prezıdenti Qaırat Sháripbaev: «Otandyq gaz salasyn damytý memlekettik energetıka saıasatynyń basym baǵyttarynyń biri bolyp tabylady. Qazaqstan Prezıdenti Nursultan Nazarbaev bizdiń aldymyzǵa eksporttyq baǵyttardy keńeıtý, otandyq gaz tranzıtin ulǵaıtý jóninde mindetter qoıdy. Sondyqtan QazTranGaz eksporttyq gaz tasymaldaý dálizderin keńeıtýge, eń ozyq tehnologııalardy óndiriske engizýge zor kóńil bóledi, bul gaz magıstraldarynyń uzaq jyldar boıyna irkilissiz jumys isteýine ǵana emes, tasymaldaý kólemderin qajettiligine qaraı ulǵaıtýǵa da múmkindik beredi.
Mysaly, paıdalanýǵa beriletin kompressorlyq stantsııalar «Qazaqstan-Qytaı» magıstraldyq gaz qubyrynyń ótkizý qabiletin keıinnen ulǵaıtý múmkindigin eskere otyryp jobalanǵan. ıAǵnı 4-shi jeli salynǵan jaǵdaıda jańa kompressorlyq stantsııa salyp, oǵan qomaqty aqsha jaratýǵa týra kelmeıdi. Biz barlyq burmalardy tósep qoıǵandyqtan, tek jańa jelini qosý qaldy. Budan basqa, osy óńirlerdiń barlyq tutynýshylaryn gazǵa qosýdy qamtamasyz etetin burma gaz qubyrlary kózdelgen», - dep atap ótti.
Jańa baǵdarlamalyq ázirlemelerdi qoldaný jolymen 4 jáne 8-kompressorlyq stantsııalardy iske qosý qashyqtyqtan qatynasý arqyly smartfonnyń kómegimen júzege asyrylǵanyn erekshe atap ótken jón.
Ótken jyly «Qazaqstan-Qytaı» magıstraldyq gaz qubyrynyń «S» jelisi paıdalanýǵa berilgenin eske salamyz. «S» jelisi trassasynyń baǵyty Ońtústik Qazaqstan, Jambyl, Almaty oblystary boıynsha «Qazaqstan-Qytaı» magıstraldyq gaz qubyry «A» jáne «V» jelilerimen bir tehnıkalyq dálizde ótedi, onda osy óńirlerdiń tutynýshylary úshin gazdy irikteý júrgiziledi. «S» jelisiniń paıdalanýǵa berilýi arqasynda QazTransGaz eldiń ońtústik óńirlerinde jylytý maýsymynda kógildir otynnyń tapshylyǵy problemasyn tolyq sheshe otyryp, ımporttyq gazdan bas tartty.
«S» jelisiniń paıdalanýǵa berilýi jáne «Qazaqstan-Qytaı» magıstraldyq gaz qubyrynyń 3 jelisiniń jumys isteýi - táýelsiz Qazaqstannyń tarıhynda eń iri halyqaralyq gaz tasymaldaý jobasy bolyp tabylady.
Aıta keteıik, «Qazaqstan-Qytaı» MGQ jalpy uzyndyǵy 7,5 myń km-den astam «Túrikmenstan - Ózbekstan - Qazaqstan - Qytaı» transulttyq magıstraldyq gaz qubyrynyń quramdas bóligi bolyp tabylady.
«Qazaqstan - Qytaı» magıstraldyq gaz qubyry «S» jelisiniń uzyndyǵy 1303 km. quraıdy. «Qazaqstan - Qytaı» gaz qubyry «S» jelisiniń KS-4 jáne KS-8 kompressorlyq stantsııalaryn salý 2014 jylǵy naýryzda bastalyp, 2016 jylǵy shildede aıaqtaldy. KS-4 Jambyl oblysynyń T.Rysqulov aýdany Lýgovoı stantsııasynyń kenti mańynda ornalasqan. KS-8 Almaty oblysynyń Uıǵyr aýdany Sharyn kentiniń mańynda ornalasqan. «Qazaqstan-Qytaı» magıstraldyq gaz qubyrynyń jobalyq ónimdiligi barlyq obektilerdiń qurylysy aıaqtalǵannan keıin jylyna 55 mlrd. tekshe metrge jetedi.