Qazaqstan Qyrǵyzstanmen ekijaqty baılanysty qandaı da bir saıası oıyndardyń qurbany etýge nıetti emes - sarapshy
«Qazaqstan Premer-Mınıstriniń TMD Úkimet basshylarynyń keńeıtilgen otyrysynda jasaǵan málimdemesin Qyrǵyzstan tarabyna, ıaǵnı resmı Bishkekke aıqyn belgi dep qarastyrý kerek. Premer-Mınıstr ne aıtty? «Biz ekonomıkalyq máseleler boıynsha yntymaqtastyqqa, konstrýktıvti dıalog júrgizýge daıynbyz» dedi. Men osy sózge basa nazar aýdarar edim. Sebebi, Qazaqstan qyrǵyzstandyq taraptyń arandatýshylyq, saıası ádepke, jalpy shyndyqqa saı kelmeıtin málimdemelerine qaramastan bul elge qarsy qandaı da bir qatań málimdeme jasamady. Jalpy, ekijaqty baılanysty qysqa merzimde saıası bir oıyndardyń qurbany etýge nıetti emes ekendigin bildirdi», - dedi ol.
Onyń aıtýynsha, elimizdiń Úkimet basshysy keshegi málimdemesinde Qazaqstannyń Qyrǵyzstanmen ekonomıkalyq baılanystardy ary qaraı sapaly damytýǵa jáne konstrýktıvti dıalog júrgizýge nıeti bar ekendigin bildirdi.
«Al osy konstrýktıvti dıalogty bastaý úshin Qyrǵyzstan taraby belgili bir qadamdarǵa barýy kerek jáne ol qadamdardy Qazaqstannyń Úkimet basshysy naqtylap aıtyp ta berdi. Birinshiden, Qyrǵyzstan EEAO aıasynda qabyldaǵan mindettemelerine oraı zańnamalaryn odaq zańnamasyna sáıkestendirýi tıis. Sonymen qatar odaq aıasynda veterınarlyq jáne fıtosantıtarlyq tekserý júıelerin retke keltirý boıynsha moınyna alǵan mindettemelerin oryndaýy qajet. Ekinshiden, óziniń aýmaǵy arqyly ótetin zańsyz eksportty toqtatýy kerek. Bul jerde reeksport jaıynda áńgime bolyp otyr. Sol arqyly ekonomıkamyzǵa tıip jatqan shyǵyndardy boldyrmaýymyz qajet. Úshinshiden, Qyrǵyzstan óziniń aýmaǵynan qarý-qaraq, kontrabanda jáne osy sııaqty qaýipsizdikke keri áserin tıgizetin zattardy ótkizbeý týraly sharalardy qabyldaýy tıis», - dedi ol.
Sonymen qatar ol Qyrǵyzstan Premer-Mınıstri Sapar Isakovtyń Qazaqstandy TMD aıasynda jasalǵan erkin saýda aınalymy týraly kelisimniń sharttaryn saqtamaı otyr dep aıyptap úlgergenine de toqtaldy.
«Ókinishke qaraı, bul Qyrǵyzstan tarapynyń áli de bolsa dıalogke daıyndyǵynyń az ekendiginen habar beredi. Buǵan jaýap retinde QR Premer-Mınıstri Qazaqstan barlyq kelisimderdi óz deńgeıinde oryndap otyrǵanyn jáne Qyrǵyz Úkimet basshysynyń málimdemesi shyndyqqa janaspaıtyndyǵyn ashyq aıtty», - dedi Jumabek Sarabekov.
Eske sala ketsek, keshe Tashkentte ótken TMD Úkimet basshylary keńesiniń keńeıtilgen otyrysynda Qyrǵyzstan Premer-Mınıstri Sapar Isakov kútpegen jerden Qazaqstannyń Qyrǵyzstanǵa qatysty 2011 jyly 18 qazandaǵy TMD erkin saýda aımaǵy týraly shartty tolyq oryndamaǵanyn málimdegen bolatyn. Qazaqstan Úkimetiniń basshysy Baqytjan Saǵyntaev qyrǵyz tarapynyń málimdemesin orynsyz dep atap, Qyrǵyz tarapyn bes prıntsptik baǵyt boıynsha syndarly sheshim qabyldaýǵa shaqyrdy.