Qazaqstan Qyrǵyzstanǵa EAEO aıasynda tehnıkalyq kómekke qarjy bóledi

ASTANA. QazAqparat - Qyrǵyz Premer-mınıstri Qyrǵyz Respýblıkasynyń Eýrazııalyq ekonomıkalyq odaqqa múshe bolýy kezinde tehnıkalyq kómek retinde 100 mln AQSh dollaryn bólý týraly kelisimdi ratıfıkatsııalaǵany úshin Qazaqstanǵa alǵys bildirdi.

Bul jaıynda Astanada Qyrǵyzstan Premer-Mınıstri Sooronbaı Jeenbekovtiń Qazaqstannyń Premer-Mınıstri Baqytjan Saǵyntaevpen eikjaqty kezdesýi kezinde belgili boldy, dep habarlaıdy Kabar .

Sonymen qatar, kezdesýde S.Jeenbekov QR Úkimet basshysyn Astanada qyrǵyz delegatsııasyn qushaq jaıa qarsy alǵany úshin alǵys bildirip, erteńgi Eýrazııalyq úkimetaralyq keńes otyrysyn sátti ótkizilýine tilektestigin jetkizdi.

«Sizdi jáne Qazaqstan halqyn EKSPO kórmesiniń sátti ótkizilýimen quttyqtaımyn. Saltanatty ashylýy óte tamasha boldy»,- dedi S.Jeenbekov. Óz kezeginde B.Saǵyntaev jazǵy maýsymda týrısterdiń týrıstik baǵdarlarmen demalýyna ruqsat berilgenin alǵys aıtty.

 Taraptar «Aqtilek -avtojol» beketinde kópirdi birlesip salýǵa kelisti. Sondaı-aq, taıaý arada osy kópirdi birlesip qarjylandyrý bastalatynyn talqylady, «Keńbulyn» men «Tokmok» beketi boıynsha kelisimder mártebesi ekijaqtydan kópjaqty bolyp ózgertiletindigi kelisildi. Sonymen qatar, taraptar qyrǵyz-qazaq shekarasyn demarkatsııalaý týraly kelisim jobasyn, sondaı-aq memlekettik shekaralar rejimi týraly kelisim jobasyn qabyldady. Atap aıta keterligi, qujattarǵa taıaý arada qol qoıylady.

FOTO: primeminister.kz