Qazaqstan qyrǵyzstandyqtardyń bilim alýy úshin kvota sanyn kóbeıtti

BІShKEK. Kabar-QazAqparat – Qyrǵyzstan Respýblıkasynyń Bilim jáne ǵylym mınıstri Bolotbek Kýpeshev Qazaqstan Respýblıkasynyń Qyrǵyzstandaǵy Tótenshe jáne Ókiletti Elshisi Rapıl Joshybaevty qabyldady, dep habarlaıdy QazAqparat Qyrǵyzstannyń Kabar aqparat agenttigine silteme jasap.

Vedomstvonyń baspasóz qyzmetiniń málimetinshe, kezdesý kezinde eki eldiń bilim jáne ǵylym salasyndaǵy yntymaqtastyq máseleleri talqylandy.

Kezdesý barysynda taraptar Qyrǵyzstan Respýblıkasynyń prezıdenti S.Japarovtyń Qazaqstanǵa jasaǵan memlekettik saparynyń qorytyndysy boıynsha qol jetkizilgen kelisimderdi iske asyrý máselesin talqylady.

Kýpeshev qazaq tarapyna qyrǵyz azamattarynyń Qazaqstannyń joǵary oqý oryndarynda bilim alýy úshin kvota sanyn 50-ge deıin kóbeıtý jóninde sheshim qabyldaǵany úshin alǵysyn jetkizdi.

Sondaı-aq, qyrǵyz tarapynyń da qazaqstandyq azamattardyń Qyrǵyzstannyń JOO-da bilim alýy úshin kvota sany 10-ǵa jetkiziletinin málim etti.

Kezdesýde ortaǵa salynǵan taǵy bir taqyryp – Qyrǵyzstan Respýblıkasynda ál-Farabı atyndaǵy Qazaq ulttyq ýnıversıtetiniń fılıalyn ashý.

Elshi QazUÝ basshylyǵy aldaǵy ýaqytta atalǵan másele boınsha jan-jaqty kelissóz ótkizý úshin Bishkekke barýdy josparlap otyrǵanyn aıtty.