Qazaqstan, Qyrǵyzstan jáne Ózbekstan Qambarata gıdroelektr stansasyn birlesip salady

BІShKEK. QazAqparat - Qazaqstan, Qyrǵyzstan jáne Ózbekstannyń energetıkalyq vedomstvolarynyń basshylary Qambarata GES-1-di birlesip salý jóninde ýaǵdalasty, dep habarlaıdy QazAqparat.

6 qańtarda Bishkek qalasynda Qazaqstan Respýblıkasynyń Energetıka mınıstri Bolat Aqsholaqov, Qyrǵyz Respýblıkasynyń Energetıka mınıstri Taalaıbek Ibraev jáne Ózbekstan Respýblıkasynyń Energetıka mınıstri Jýrabek Mırzamahmýdov «Qambarata GES-1 qurylysy» jobasyn iske asyrý jónindegi jol kartasyna qol qoıdy.

Jol kartasy sheńberinde taraptar jobany iske asyrýdyń negizgi sharttaryn ýaǵdalasty jáne elektr stantsııasyn ýaqtyly paıdalanýǵa berý úshin aldaǵy qadamdardy belgiledi.

Qazaqstannyń jobaǵa qatysýy Qazaqstan Prezıdenti Qasym-Jomart Toqaevtyń 2022 jylǵy mamyrda Qyrǵyzstanǵa resmı sapary barysynda qol jetkizilgen ýaǵdalastyq sheńberinde júzege asady.

Qambarata GES-1 Qyrǵyzstandaǵy eń iri elektr stantsııasy bolmaq.

Bul Ortalyq Azııa elderin elektr energııasymen qamtamasyz etýge jáne óńirdiń sýmen qamtamasyz etilýin turaqtandyrýǵa múmkindik beredi.

Foto: gov.kz