Qazaqstan, Qyrǵyzstan men Ózbekstan elektr qýatyn jetkizý kólemi men sharttaryn anyqtady

ASTANA. QazAqparat – Qazaqstan, Qyrǵyzstan jáne Ózbekstan ókilderi kúzgi-qysqy kezeńde elektr energııasyn ózara jetkizý máselelerin talqylady, dep habarlaıdy QazAqparat Energetıka mınıstrligine silteme jasap.

25-26 tamyzda Astanada Qazaqstan, Qyrǵyzstan jáne Ózbekstannyń energetıkalyq jáne sý sharýashylyǵy vedomstvolary ókilderiniń sý-energetıkalyq yntymaqtastyq máselelerin talqylaýǵa arnalǵan kezdesýi ótti. Kezdesý barysynda aldaǵy kúzgi-qysqy maýsymda elektr energııasyn jetkizý, sondaı-aq basqa salalardaǵy yntymaqtastyq máseleleri talqylandy. Birqatar ózara kelisimderge qol jetkizilip, jetkizý kólemi men sharttary anyqtaldy.

Sondaı-aq, taraptar elektr energııasyn saǵattyq esepke alýdy júrgizý tetigin engizý múmkindigin pysyqtaýǵa, sharýashylyq júrgizýshi sýbektiler arasyndaǵy jospardan tys aǵyndardy retteýge sharttar jasasýǵa, jospardan tys aǵyndardy retteýge arnalǵan sharttardyń qoldanystaǵy talaptaryn qaıta qaraýǵa kelisti.

Qatysýshylar buryn qabyldanǵan mindettemelerdi oryndaýǵa beıildiligin rastady.

Sý jáne energetıka vedomstvolary ókilderiniń kelesi kezdesýi 2023 jyldyń qarashasynda Bishkekte ótedi.