Qazaqstan qylmystyq atqarý júıesin reformalaýda óńirlik kóshbasshyǵa aınaldy - «Halyqaralyq túrme reformasynyń» atqarýshy dırektory

ASTANA. QazAqparat - Qazaqstan qylmystyq atqarý júıesin reformalaýda óńirlik kóshbasshyǵa aınaldy. Bul týraly búgin elordada ótip jatqan «Ortalyq Azııadaǵy jańa qylmystyq-atqarý zańnamasyn qalyptastyrý: úrdister men talaptar» atty aımaqtyq konferentsııada «Halyqaralyq túrme reformasynyń» atqarýshy dırektory Elıson Hanna málim etti.

«Biz Qazaqstanda qylmystyq sot ádildigi men penıtentsınarlyq júıe boıynsha kóptegen óte jaqsy qadamdar jasaldy dep sanaımyz. Máselen, Qazaqstan Azaptaýlarǵa qarsy konventsııanyń fakýltatıvti qosymshasyn ratıfıkatsııalady. Bul eldiń túrmede ustaý jaǵdaıyn jaqsartýǵa baǵyttalǵan oń ustanymyn kórsetedi»,- dedi ol. Onyń atap ótýinshe, Qazaqstanda bas bostandyǵynan aıyrý oryndarynda táýelsiz qoǵamdyq baqylaýdy jaqsartýǵa baǵyttalǵan kelesi qadamdy qolǵa almaq. Zańnamalyq turǵyda bul josparlardy júzege asyrý elemizde atalǵan salany halyqaralyq aldyńǵy qatarly tájirıbege sáıkestendiredi. «Qazaqstan óńirdegi qylmystyq-atqarý júıesin reformalaý salasyndaǵy kóshbasshy bolyp tabylady. Kóptegen elderde túrme halqy raqymshylyq jasaý arqyly júzege asyrylady. Degenmen raqymshylyq jasaý máseleniń uzaqmerzimdi sheshimi emes», - dedi E.Hanna.