Qazaqstan qutqarýshylary jyl saıyn 10 myńnan astam adamdy qutqarady - QR TJM
Atalmysh dataǵa oraı Memleket basshysy qutqarshylardy kásibı merekemen quttyqtady.
«Qutqarýshylardy kásibı merekesimen quttyqtaımyn! Tabıǵı jáne tehnogendik apattar dáýirinde sizderdiń eńbekterińizdiń memlekettik mańyzy arta túsedi. Bıyl TJM qyzmetkerleri 9,5 myń adamdy qutqardy. Memleket eren eńbekterińizdi baǵalaıdy. Sizderge zor densaýlyq, mol tabys tileımin!», - dep jazdy Prezıdent Twitter paraqshasynda ornalastyrǵan quttyqtaý sózinde
Búgin Tótenshe jaǵdaılar mınıstri ıÝrıı Ilın de óz áriptesterin Qutqarýshy kúnimen quttyqtady.
«Jyl saıyn elimizde qutqarýshylar órtke, tótenshe jaǵdaılardyń saldaryn joıýǵa, avarııalyq-qutqarý jumystaryn júrgizýge 60 myńnan astam ret shyǵady. Bul rette vedomstvo qyzmetkerleri jyl saıyn 10 myńnan astam adamdy qutqarady. Qutqarýshylar kún sanap erlik pen batyldyq kórsete otyryp, óz isine degen adaldyqty kórsetedi. Sizderdiń kásipqoılyq, shapshańdyq, batyldyq qasıetterińiz aldaǵy ýaqytta da tótenshe jaǵdaılar kezinde halyqty qorǵaýǵa jəne qutqarýǵa qyzmet etsin!», - dep atap ótti mınıstr quttyqtaý sózinde.
Azamattyq qorǵaý organdarynda 30 000-ǵa jýyq maman qyzmet atqarýda.
«Qazaqstan Respýblıkasynyń Táýelsizdik jyldarynda TJM qutqarý qyzmetteri (1995-2021 jyldar aralyǵynda) tótenshe jaǵdaılar men órtterdi joıýǵa 1 466 883 ret shyqty. Olardyń kásibı qyzmeti men jedeldiginiń arqasynda 389 017 adam qutqaryldy, TJ ártúrli aımaqtarynan 353 973 adam evakýatsııalandy, 61 362 zardap shekken adamǵa medıtsınalyq kómek kórsetildi. Qyzmettik mindetterin atqarý kezinde 64 qyzmetker qaıtys boldy»,-delingen QR TJM baspasóz qyzmeti taratqan aqparatta.