Qazaqstan qutqarýshylary álem chempıonatyna qatysyp jatyr

SAMARQAND. QazAqparat - Ózbekstan Respýblıkasynyń Samarqand qalasynda órt-qutqarý sportynan erler arasynda XVII, áıelder arasynda VІII álem chempıonaty saltanatty jaǵdaıda ashyldy, dep habarlaıdy QazAqparat.

Jarysqa Qazaqstan, Ózbekstan, Belarýs, Ázerbaıjan, Qyrǵyzstan, Mońǵolııa, Tájikstan, Túrkııa, Reseı, Iran, Qytaı Halyq Respýblıkalarynan 11 ulttyq erler komandasynyń quramasy jáne Qazaqstan, Ózbekstan, Belarýs elderi men Reseı Federatsııasynan 4 ulttyq áıelder komandasynyń quramasy qatysady.

«Bizdiń elimizdiń namysyn erler men áıelder komandasyndaǵy álemdik deńgeıdegi sportshylar qorǵaıtyn bolady. Chempıonat aıasynda órtke qarsy avarııalyq-qutqarý jabdyqtarynyń halyqaralyq kórmesi, órtti sóndirý jáne aldyn alý salasyndaǵy nanotehnologııalardyń kórsetilimi uıymdastyryldy», - dep jazdy TJM baspasóz qyzmetinen.

Bul is-sharanyń maqsaty - órt sóndirýshi jáne qutqarýshy mamandyǵyn dáripteý, kásibı jáne sporttyq sheberlikti arttyrý, dostyq baılanystardy nyǵaıtý, túrli elderdiń órt sóndirý-qutqarý qyzmetteri arasyndaǵy yntymaqtastyqty nyǵaıtý jáne halyqaralyq deńgeıde órt sóndirý-qutqarý sportyn odan ári damytý.