Qazaqstan qustary týraly jańa kitap shyqty

<p>ASTANA. KAZINFORM &ndash; 12 maýsymda elordada &laquo;Qazaqstan qustary. Dalalyq anyqtaǵysh&raquo; atty kitaptyń resmı tusaýkeseri ótti. Bul - 2014 jyly Qazaqstan qustardy qorǵaý odaǵynyń bastamasymen orys tilinde shyqqan kitaptyń aýdarmasy. Onda el aýmaǵynda turatyn qustardyń 516 túri týraly málimetter bar.</p>

Foto: Kamıla Múlik

Avtorlar ujymy – Qazaqstandaǵy qustardy birneshe jyldan beri zerttep júrgen kásibı ornıtologter: Anatolıı Kovshar, Vıktorııa Kovshar, Nıkolaı Berezovıkov. Anyqtaǵyshtaǵy qustardyń sýretteriniń avtory – Vadım Rıabıtsev. Kitapty qazaq tiline aýdarǵandar – belgili kásibı zoologter, qazaq tilindegi zoologııa oqýlyqtarynyń avtorlary Birlikbaı Esjanov pen Qylyshbek Musabekov.

Foto: Kamıla Múlik

«Shynymdy aıtsam, men 50 jyldan astam ýaqyt boıy qustarmen aınalystym. Eger kitaptyń artqy jaǵyna qarasańyz, avtor sýretteri bar. Ekinshi avtor – ákem Anatolıı Kovshar. Ol meni alǵash ret 9 jasymda qustardy zertteýge arnalǵan ekspedıtsııaǵa apardy. Jalpy, meniń búkil ómirim tek qustarmen baılanysty», - deıdi Vıktorııa Kovshar.

Kitaptyń orys tilindegi nusqasy – 1 000, qazaq tilindegi nusqasy 2000 dana.

Foto: Kamıla Múlik

«Qazaqstan ǵylymy qazaq tilinde taǵy bir qundy basylymmen tolyqty. Bul kitap Qazaqstanda mekendeıtin barlyq qustardy anyqtaýǵa kómektesip qana qoımaı, oqyrmanǵa bizdiń ornıtofaýnamyz týraly kóptegen qosymsha aqparat beredi. Anyqtaǵyshtyń qazaq tilindegi basylymyn shyǵarý – ASBK mamandarynyń zor eńbegi», - deıdi Birlikbaı Esjanov.

Foto: Kamıla Múlik

 

 

Kamıla Múlik