Qazaqstan qurylys salasynda eýrokod júıesine kóshýdi bastaıdy
Mınıstrdiń atap ótýinshe, qurylys salasynda bastapqy ruqsat berý qujattaryn berý merzimderi 40 kúnnen 17 jumys kúnine deıin, eskızdi jobany kelisý 60 kúnnen 15 jumys kúnine deıin túbegeıli qysqartyldy, qurylystyń bastalýy týraly habarlamany 1 kún ishinde (elektrondy túrde) berý qamtamasyz etildi.
«2016 jylǵy 1 qańtardan bastap, saraptamalyq jumystardyń 50 paıyzy naryqqa berildi jáne jeke saraptamalyq uıymdarmen júrgiziledi. Resýrstyq ádis engizildi jáne Eýrokodtar júıesine aýysý bastaldy», - dedi E.Dosaev.
Ulttyq ekonomıka mınıstrligi baspasóz qyzmetiniń aqparatyna sáıkes, 2016 jylǵy 1 qańtardan bastap, jeke uıymdarmen saraptama ótkizý úshin berilgen nysnadar tizbesi bekitilgen. Oǵan mynalar kiredi: Turǵyn úı-azamattyq maqsatyndaǵy jańa, qalpyna keltirý jáne qoldanystaǵy tehnıkalyq jáne tehnologııalyq kúrdeli emes ǵımarattar men qurylystardyń kapıtaldy jóndeýi boıynsha TEN jáne JSQ; Eldi mekender aýmaqtaryn abattandyrý men kógaldandyrýǵa TEN jáne JSQ; Tehnologııalyq kúrdeli emeske jatatyn ınjenerlik ınfraqurylym obektileri; Qoǵamdyq, ákimshilik-turmystyq bir-eki qabatty ǵımarattar men qurylystar; shaǵyn qonaq úı keshenderi jáne t.b.