Qazaqstan Quryq portynda Abu Dhabi Ports-pen birlesken termınal salady

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynda Quryq portynyń logıstıkalyq áleýetin arttyrý jobalaryna toqtaldy.</p>

«Bıyl Halyqaralyq Transkaspıı baǵyty boıynsha tasymal kólemi 68% ósip, 3 mln 800 myń tonnaǵa jetti. Tranzıttik konteınerlik tasymaly 2,7 ese artty. Bul rette, Qytaıdan keletin tranzıttik konteınerlik tasymaldardyń 25 ese artqanyn atap ótken jón», - dedi Marat Qarabaev.

Vedomstvo basshysy buǵan byltyr Sıan qalasynda qurylǵan birlesken termınal úlken yqpal etkenin aıtty.

«Sıan qalasyndaǵy termınalǵa qosymsha Potı portynda da qazaqstandyq jeke termınal iske qosyldy. Aqtaý portynda qytaılyq «Lıanıýngan port» kompanııasymen birlesip konteınerlik hab qurylysy bastaldy.

Quryq porty boıynsha «Abu Dhabi Ports»-pen birlesken kópfýnktsıonaldy «Sarja» termınalynyń salý jumystary júrgizilip jatyr.

Dálizdiń Eýropalyq bóliginde qazaqstandyq termınal salý máselesi pysyqtalýda», - dedi kólik mınıstr.