Qazaqstan quramasynyń oıynshysy «Aqsýdan» Qostanaıdyń «Tobylyna» aýysty

ASTANA. QazAqparat – Fýtboldan Qazaqstan ulttyq quramasynyń jartylaı qorǵaýshysy Ramazan Orazov Pavlodardyń «Aqsýynan» Qostanaıdyń «Tobylyna» aýysty, dep habarlaıdy QazAqparat tilshisi.

«Tobyl» fýtbol klýbynyń baspasóz qyzmetinen málim etkenindeı, R.Orazov 12 sáýir kúni kelisimshartqa otyrdy.

Ramazan Orazov – «Qaırat» akademııasynyń túlegi.

2019 jyldyń 11 shildesinde ol Eýropa lıgasynda bosnııalyq «Shırokı Brıeg» klýbymen matchta debıýt jasady. Jaýap matchynda eýrokýboktardaǵy alǵashqy dobyn soqty. 2020 jyly latvııalyq «Daýgavpılske» aýysty. Eki jyldan keıin Ramazan Orazov reseılik «Chaıka» klýbymen kelisimshartqa otyrdy, onda 12 match ótkizdi. «Chaıkadan» keıin Ramazan «Aqtóbe» jáne «Aqsý» komandalarynda oınady.

2021 jyldyń 31 naýryzynda Ýkraınamen oıynda Qazaqstan quramasy sapynda alǵash ret alańǵa shyqty.

Týǵan kúni: 30 qańtar 1998 jyl.

Boıy: 171 sm.

Salmaǵy: 65 keli.

Pozıtsııa: jartylaı qorǵaýshy.

Eske sala keteıik, budan buryn Lıonel Messıdiń Krıshtıaný Ronaldýdyń rekordyn jańartqanyn jazǵan edik.