Qazaqstan quramasy – maýntınbaıktan Azııa chempıony

ASTANA. QazAqparat – Maýtınbaıktan Qazaqstan quramasy Ońtústik Koreıanyń Sýnchhon qalasynda ótip jatqan Azııa chempıonatynda estafetada jeńimpaz atandy, dep habarlaıdy QazAqparat Cportty damytý dırektsııasyna silteme jasap.

Qurlyq básekesiniń alǵashqy kúni ótken synda Temirlan Muhamedııarov, Denıs Sergıenko, Alına Sarqulova, Alekseı Fefelov pen Egor Karasevtan quralǵan Qazaqstan komandasy (1:27:30) Japonııa (1:29:37) men Malaızııanyń (1:33:40) aldyn orap ketti.

Aıta keteıik, búgin bastalǵan Azııa chempıonaty 23 qazanǵa deıin sozylady. Bul dodaǵa attanǵan Ulttyq qurama velosportshylary: Temirlan Muhamedııarov, Alına Sarqulova, Tatıana Geneleva, Denıs Sergıenko, Egor Karasev, Altynbek Ahanov – 23 jasqa deıingi sanatta, Nıkıta Galkın, Konstantın Shınkarýk, Konstantın Kazakov, Alekseı Fefelov, Vıoletta Kazakova men Alına Spırına – jasóspirimder sanatynda baq synaıdy.

Buǵan deıin maýntınbaıkten Qazaqstan ulttyq quramasy 19-23 qazan aralyǵynda Sýnchhonda ótetin Azııa chempıonatyna qatysý úshin Koreıaǵa attanǵany habarlanǵan bolatyn.