Qazaqstan quramasy Eýro-2024-ke shyǵa ala ma - fýtbol sarapshysynyń pikiri
Qazaqstan quramasy bes kezdesýden keıin 13 upaı jınap, týrnır kestesinde birinshi oryn aldy. Endi bizdiń jigitterdi Ázerbaıjanǵa qarsy oıyn kútip tur. Olar 7 upaımen topta ekinshi orynda.
«Men bul matchqa kommentator boldym. Basqa da jankúıerler sekildi aıqaılap, ýaıymdap otyrdym. Jeńisti emotsııamen toıladym. Bul - jetistik. Men Belarýs quramasynan basym túsetinimizge sendim, sebebi, Belarýstiń qazirgi quramasy, menińshe, óte álsiz. Tipti, Transfermarkt málimeti boıynsha Belarýs qazirgi quramynyń quny Qazaqstan quramasynan da tómen. Maýsym aıynda eki qurama arasynda ótken matchqa qaraǵanda, keshe bizdiń jigitter favorıt sanaldy. Onyń ústine bul - óz alańymyzdaǵy match, jankúıerlerdiń qoldaýy bar . Bul kezdesýde biz jaqsy oıyn kórsetýge múmkindik aldyq», - dedi sport jýrnalısi jáne kommentator Petr Volıkov.
Ol sondaı-aq Ulttar lıgasynyń «V» lıgasynda endi Túrkııa, Grekııa, Grýzııa, Soltústik Makedonııa sekildi myqty komandalar oınaıtynyn atap ótti.
«Bizde «Evro-2024»-ke qatysýǵa múmkindik bar. Biraq, ol úshin irikteý matchtaryn jeńýimiz kerek. Alaıda Qazaqstannyń búgingi quramasyna senbeý múmkin emes. Biz topta basty favorıt bolyp sanalatyn Slovakııa quramasyn eki ret, Ázerbaıjandy bir ret, sondaı-aq tarıhta alǵash ret belorýsterdi jeńdik. Bizdiń jigitterge sáttilik serik bolaryna qatty senemin, degenmen, «Evroǵa» shyǵý óte qıyn bolady. Qazirgi tańda Magomed Adıevtiń komandasy jankúıerlerine úlken senim syılady, bizde bári oıdaǵydaı bolady, bári de múmkin dep esepteımin», - dedi kommentator.
Petr Volıkov Qazaqstan quramasynyń oıynshylarynyń deńgeıin joǵary baǵalady. Ol 24-jastaǵy Ramazan Orazov pen Bahtıera Zaınýtdınovqa erekshe toqtaldy.
«Qazaqstandyqtar Belarýs quramasymen ótken matchta qarymta shabýylǵa jıi shyǵyp, kombınatsııalyq fýtbol kórsetti. Ekinshi taımda barlyq pozıtsııalyq shabýyldardy Ramazan Orazov órbitip otyrdy. Ol ortalyq qorǵaýshylarǵa kómektesti, gol soǵarda dál pasty da sol berdi. Onyń áli jas ekeni qýantady. Eger ol osyndaı oıyn órnegin kórsete berse, bolashaǵy zor bolady. Bahtıer Zaınýtdınov ta jaqsy óner kórsetti. Ol negizgi oıynshy. TsSKA-da ortalyq qorǵanysta, al ulttyq quramada shabýylda oınaıdy. Ámbebap fýtbolshy. Jalpy, barlyq qorǵanys óte úılesimdi jáne jaqsy oınady», - dedi ol.
Buǵan deıin habarlanǵandaı, ÝEFA aıasynda óner kórsetkeli Qazaqstan quramasy eń úzdik kórsetkishke qol jetkizip, óz tarıhynda alǵash ret 13 upaı jınady. Buryn «Eýro-2008» jáne «Eýro-2020» irikteý jarystarynda 10 upaı alǵan.
25 qyrkúıekte syrt alańda Qazaqstan quramasy «S» lıgasynyń qorytyndy týrynda Ázerbaıjanǵa qarsy oınap, jınaǵan upaı sany boıynsha rekordyn taǵy da jańartýǵa tyrysady.
Eske salaıyq, Qazaqstan óz alańynda Belarýsti jeńip, UEFA Ulttar lıgasynyń V tobyna joldama aldy.
Qazaqstan fýtbol quramasyn osy tarıhı jetistigimen el Prezıdenti Qasym-Jomart Toqaev ta quttyqtady.
Qazaqstan quramasynyń bas bapkeri Magomed Adıev Qazaqstan quramasynyń jeńisine qatysty pikir bildirgen edi.
Foto: www.instagram.com/volikov1