Qazaqstan quramasynyń oıynshysy Aıbol Ábiken «Ordabasy» sapynan ketti

<p>ASTANA. KAZINFORM &ndash; Qazaqstan quramasynyń jartylaı qorǵaýshysy Aıbol Ábiken komandamen aradaǵy kelisimshartty úzdi. Bul jóninde shymkenttik klýbtyń baspasóz qyzmeti málim etti.&nbsp;</p>

Qazaqstan Premer lıgasynyń 2024 jylǵy maýsymynda Aıbol shymkenttik komanda sapynda 25 oıyn ótkizdi. 

Almaty qalasynda dúnıege kelgen fýtbolshy buǵan deıin «Qaırat» jáne «Aqsý» klýbtarynyń namysyn qorǵap úlgerdi. 2020 jyly almatylyq «Qaırat» komandasynyń sapynda el chempıony boldy. Al 2017, 2018, 2019 jyldarda kúmis, 2021 jyly qola júldege qol jetkizdi. 

2022 jyldyń jaz aıynda ol dopıng daýyna iligip, 4 jylǵa fýtboldan shettetildi. Degenmen onyń jazasy jeńildetilip, eki jylǵa shegerildi. 2024 jyldyń sáýir aıynda Ábiken «Ordabasy» fýtbol klýbynyń jeıdesin kıdi. 

Eske sala keteıik, buǵan deıin fýtboldan Qazaqstan quramasy UEFA Ulttar lıgasynyń V dıvızıonyndaǵy besinshi oıynyn Almatyda Aýstrııaǵa qarsy ótkizip, jeńilis tapqanyn jazǵan edik.