Qazaqstan quramasynyń fýtbolshylary Erevan qalasyna jetti

<p>ASTANA. KAZINFORM &ndash; Fýtboldan Qazaqstan quramasy Erevan qalasyna ushyp keldi.&nbsp;</p>

Ulttyq qurama oıynshylary erteń saǵat 20:50-de Armenııamen joldastyq kezdesý ótkizedi. Matchty Qazsport telearnasy tikeleı efırden kórsetedi. 

Armenııadaǵy oıynnan keıin Qazaqstan 11 maýsym kúni Majarstandaǵy Sombatheı qalasynda Ázerbaıjan quramasymen jasyl alańda jolyǵady.  

Oqý-jattyǵý jıyny barysynda el quramasy sapynan Islam Chesnokov (aıaq jaraqaty), Aleksandr Zýev, Bekhan Shaızada (ekeýi de - JRVI) ketýge májbúr boldy. Komandanyń úshinshi qaqpashysy retinde «Qaırat» oıynshysy Danıl Ýstımenko shaqyrtyldy. 

Eske sala keteıik, Stanıslav Cherchesovtiń fýtboldan Qazaqstan quramasynyń bas bapkeri qyzmetine taǵaıyndalǵanyn jazǵan edik. 

Aıta ketsek, qurama tizginin ustaǵan reseılik maman Erevandaǵy oıynǵa qatyspaıdy. Oǵan deıin fýtbolshylardy ýaqytsha Rýslan Baltıev jattyqtyryp, erteńgi oıynǵa bastap shyǵady.