Qazaqstan quramasy sýrdo fýtzaldan álem chempıonatynyń kúmis júldegeri atandy
20:06, 10 Maýsym 2024
<p>ASTANA. KAZINFORM – Astana qalasynda alǵash ret 21 jasqa deıingi estý qabileti zaqymdanǵan sportshylar arasynda sýrdo fýtzaldan álem chempıonaty máresine jetti.</p>
Jarysqa barlyǵy 10 komanda qatysyp, fınalda Qazaqstan men Iran quramalary altyn júldeni sarapqa saldy.
Asa tartysty ótken oıynda qazaqstandyqtar 1:3 esebimen jeńilip jatyp, sanaýly sekýndtar qalǵanda tarazy basyn teńestirip ketti.
Sodan keıin ekstra taımda 4:3 esebimen alǵa shyqty. Alaıda osy basymdyqty ustap tura almady – 4:7.
Osylaısha ırandyqtar úzdik shyqsa, Qazaqstan kúmis medalmen marapattaldy.
Brazılııa quramasy úzdik úshtikti túıindedi.
2022 jyly Kýala-Lýmpýrda (Malaızııada) alǵashqy álem birinshiliginde Qazaqstan quramasy fınalǵa deıin jetip, onda da Iranǵa 0:1 esebimen ese jibergen edi.
Eske sala keteıik, budan buryn QFF-nyń Leo Igıtanyń áreketine baılanysty málimdeme jasaǵan bolatyn.