Qazaqstan quramasy fızıkadan IPHO 2024 halyqaralyq olımpıadasynda bes júlde jeńip aldy

<p>ASTANA. KAZINFORM — Irannyń Isfahan qalasynda ótken fızıka páni boıynsha halyqaralyq olımpıada (IPHO-2024) óz máresine jetti.  </p>

Qazaqstan qurama komandasy tórt kúmis jáne bir qola medal ıelenip, 100% kórsetkishke qol jetkizdi.

• Marǵulan Nursaǵatov — Almaty qalasyndaǵy Respýblıkalyq fızıka-matematıka mektebiniń 11-synyp oqýshysy;
• Dosjan Bısımbı — Almaty qalasyndaǵy «Mıras» halyqaralyq mektebiniń 12-synyp oqýshysy;
• Artýr Kım — Aqtóbe oblystyq daryndy jasóspirimderge arnalǵan mamandandyrylǵan «Bilim-ınnovatsııa» lıtseı-ınternatynyń 11-synyp oqýshysy;
• Ámir Pshenbaev — Astana qalasy daryndy er balalarǵa arnalǵan «Bilim-Innovatsııa» lıtseı-ınternatynyń 11-synyp oqýshysy;
• Ilııas Qazymbek — Astana qalasyndaǵy Respýblıkalyq fızıka-matematıka mektebiniń 9-synyp oqýshysy.

Foto: Oqý-aǵartý mınıstrligi

Qurama komandanyń jetekshileri — PhD doktory, SDU University dotsenti Samat Maqsutov jáne SDU University fızıka páni muǵalimi Nazaralı Aıtjanov.

«Qazaqstan quramasyn, mektep ujymdary men ata-analardy aıtýly jeńispen quttyqtaımyz» deıdi Oqý-aǵartý mınıstrliginen.