Qazaqstan quramasy Bakýde kúmis medal jeńip aldy

<p>ASTANA. KAZINFORM &ndash; Qazaqstan quramasy Ázerbaıjan astanasy Bakýde ótken batýttaǵy gımnastıkadan Álem kýbogynyń kezeńinde kúmis júlde jeńip aldy.</p>

QR Sportty damytý dırektsııasy málim etkendeı, atalǵan jarysta qazaqstandyq Danıl Mýsabaev pen Pırmammad Alıev juby fınalda 50.520 ball jınap, kúmis medalǵa qol jetkizdi.

Bul synda 51.090 upaı enshilegen Qytaı quramasy (Fý Veıtszıan men Joý Tsze juby) bas júldeni qanjyǵasyna baılady. Al úzdik úshinshi orynǵa Amerıka gımnastary qol jetkizdi.

Aıta keteıik, Danıl men Pırmammad byltyrǵy Bakýdegi Álem kýbogy kezeńinde jeńimpaz atanǵan. Al 2020 jyly qola medal alǵan.

Esterińizge sala ketsek, keshe irikteýde 19 juptyń arasynda Ulttyq qurama 7-satyǵa turaqtap, aqtyq synǵa shyqqan. Bıylǵy Álem kýbogynyń barlyq kezeńinde sportshylarǵa reıtıngide upaı beriledi. Bul óz kezeginde Parıj Olımpıadasyna joldama berýde esepke alynady.