Qazaqstan quramasy Azııa para oıyndaryn 41 medalmen aıaqtady

<p>Hanchjoýdaǵy IV Azııa para oıyndarynda qazaqstandyq sportshylar jarysty 11-orynmen aıaqtady. <a href="Kazinform" target="_blank" rel="noopener">Kazinform </a>bul týraly <a href="https://www.sports.kz/news/stalo-izvestno-mesto-kazahstana-vitogovom-medalnom-zachete-aziatskih-paraigr" target="_blank" rel="noopener">Sports.kz</a> portalyna silteme jasap habarlaıdy.&nbsp;</p>

Elimizdiń atynan sońǵy bolyp jarys jolyna 107 keliden joǵary salmaq dárejesinde paýerlıfter Ǵanı Isentemırov shyqty. Ol jarys qorytyndysy boıynsha alty sportshynyń arasynan altynshy oryndy ıelendi. 

Bul dodada qazaqstandyq parasportshylar barlyǵy 41 medal jeńip aldy: 8 altyn, 12 kúmis jáne 21 qola. El namysyn 14 sport túrinen 131 sportshy qorǵady. Osylaısha Qazaqstan quramasy jalpykomandalyq esepte 11-orynǵa turaqtady. 

Medaldyq esepte jarys qojaıyny Qytaı quramasy jeńimpaz atandy. Olardyń qorjynynda – 521 medal (214 altyn, 167 kúmis jáne 140 qola). Odan keıin 131 medalmen (44-46-41) Iran qurmasy ekinshi orynǵa jaıǵasty. Al japondyqtar 150 medalmen (42-49-59) úzdik úshtikten kórindi.