Qazaqstan quramasy Azııa oıyndarynda úshinshi altyn medaldi jeńip aldy

<p>Hanchjoýda (QHR) ótip jatqan Azııa oıyndarynda qazaqstandyq Ásem Orynbaı men Edýard Eşenko stendtik atý týrnıriniń aralas juptyq saıysynda altyn medal jeńip aldy, dep habarlaıdy <a href="https://kaz.inform.kz/" target="_blank" rel="noopener">QazAqparat.&nbsp;</a></p>

Týrızm jáne sport mınıstrligi málim etkendeı, «Skıt» jattyǵýynyń fınalynda qazaqstandyqtar Kýveıtten kelgen qarsylastarynan ozyq boldy. Qorytyndy esep – 40:35.

Bul – Azıadadaǵy elimizdiń ulttyq quramasy úshin úshinshi altyn medal.

Esterińizge sala keteıik, keshe Ásem Orynbaı, Zoıa Kravchenko jáne Olga Panarınadan jasaqtalǵan Qazaqstannyń áıelder komandasy «skıt» jattyǵýynda altyn medal jeńip alyp, Azııa oıyndarynyń rekordyn ornatty. Al jekeleı synda Ásem Orynbaı qola júldege ıe boldy.

«Bizdiń mergender taǵy da keremet nátıje kórsetti! Sportshylardy, jankúıerlerdi jáne komandanyń jattyqtyrýshylar shtabyn osy jeńispen quttyqtaımyn. Búkil el mergenderimizben maqtanady. Bul jeńis myńdaǵan qazaqstandyq jetkinshekterdi osy sport túrimen aınalysýǵa shabyttandyratynyna senimdimin», - dedi Týrızm jáne sport mınıstri Ermek Marjyqpaev.