Qazaqstan quramasy Azııa chempıonatynda tarıhı nátıje kórsetti

<p>ASTANA. KAZINFORM &ndash; Fılıppınniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynda Qazaqstan quramasy júzýden tarıhı kórsetkishke qol jetkizdi.</p>

Sportty damytý dırektsııasynyń baspasóz qyzmeti málim etkendeı, sheshýshi jarys kúni qazaqstandyq sportshylar taǵy 6 altyn, 1 kúmis, 1 qola medal jeńip aldy. Jeńimpazdar men júldegerler: 

Foto: Sportty damytý dırektsııasy/Turlyjan Aıtenov

A toby:

Ádilbek Mýsın, 50 m batterflıaı-altyn

Ksenııa Ignatova, shalqalaı júzý 200 m - altyn

Sofııa Spodarenko, 50 m batterflıaı - altyn

Dıana Tasjanova, shalqalaı júzý 200 m - kúmis 

Foto: Sportty damytý dırektsııasy/Turlyjan Aıtenov

V toby:

Egor Popov, shalqalaı júzý 200 m - altyn

Sofııa Abýbakırova, 50 m batterflıaı - altyn

Maksım Skazobtsov, 50 m batterflıaı ádisi - altyn

Arsen Qojahmetov, 200 m brass - qola

Danııl Cherepanov, 100 m erkin stıl - qola

Tórt kúnge sozylǵan jarys qorytyndysy boıynsha Qazaqstan quramasy 20 altyn, 11 kúmis, 5 qola júldemen jalpy komandalyq esepte ekinshi orynǵa ıe boldy. Al jalpy esepte Japonııa quramasy kósh bastady. Olardyń enshisinde 36 altyn, 20 kúmis, 15 qola medal bar. 

Foto: Sportty damytý dırektsııasy/Turlyjan Aıtenov

Taǵy bir atap óterligi, Qazaqstan quramasynyń júzgishteri Azııa chempıonatynyń 14 rekordyn jáne Qazaqstannyń 3 rekordyn ornatty.

Osylaısha sý sporty túrleriniń júzý túrinen báseke aıaqtaldy. Endi 1 naýryz kúni sýǵa sekirýshiler arasyndaǵy básekeler óz máresine jetetin bolady. Sý sportynyń bul túrinen qazir Qazaqstan qorjynda 1 altyn, 3 kúmis jáne 1 qola medal bar.

Al 2-6 naýryz aralyǵynda kórkem júzýden jarys ótse, 3-9 naýryz aralyǵynda sý dobynyń sheberleri ózara úzdikterdi anyqtaıdy.