Qazaqstan kýbogynda «Turan» «Kaspııdi» qapy qaldyrdy

ASTANA. QazAqparat - Fýtboldan birinshi lıgada oınaıtyn túrkistandyq «Turan» Qazaqstan kýbogy shırek fınalyna shyqty, dep habarlaıdy QazAqparat tilshisi.

Qazaqstan kýbogy 1/8 fınalyndaǵy taǵy bir kezdesý «Turan» (Túrkistan) men «Kaspıı» (Aqtaý) sheberlik baıqasty.

Birinshi oıynda túrkistandyq klýb 1:0 esebimen basym túsken edi.

Oıynnyń 47-mınýtynda aqtaýlyq komandadan Dýman Nárzildaev mergendik tanytty. Osynyń nátıjesinde eki oıynnyń nátıjesi teńesti.

Osylaısha oıyn overtaımǵa ulasty. Overtaımnyń 96-mınýtynda «Turan» sapynan Nurǵaını Bóribaev gol soqsa, Rıfat Nýrmýgamet 118-mınýtta túrkistandyq klýbty alǵa shyǵardy.

Osylaısha «Turan» qarsylasynan 2:1 esebimen basym tústi. Nátıjesinde shırek fınalǵa shyqty.

Dál qazir «Aqjaıyq» (Oral) pen «Qaırat» (Almaty) kezdesýi ótip jatyr. Ázirge esep 0:0.

Al 20.00-de «Qaısar» (Qyzylorda) men «Astana» jasyl alańǵa shyǵady.

Al 29 sáýirde «Shahter», «Qyzyljar», «Atyraý» jáne «Ordabasy», «Tobyl» komandalary shırek fınalǵa joldama aldy.

Qazaqstan kýbogynda 17 mamyr men 7 maýsym kúnderi 1/4 fınal oınalsa, 28 maýsym men 8 shildede jartylaı fınal bolady.

Fınal 4 qarashada ótedi dep josparlanyp otyr.