Qazaqstan kýbogynda «Qyzyljar» «Jetisýdy» orta jolda qaldyrdy

ASTANA. QazAqparat - Petropavldyń «Qyzyljary» fýtboldan Qazaqstan kýbogy shırek fınalynyń ekinshi joldamasyna ıe boldy, dep habarlaıdy QazAqparat tilshisi.

Jarystyń atalǵan satysyndaǵy ekinshi oıyn taldyqorǵandyq «Jetisý» (Taldyqorǵan) men petropavldyq «Qyzyljar» komandalary arasynda ótti.

Alǵashqy kezdesýde petropavldyq klýb 3:0 esebimen basym tústi.

Qarymta oıynda komandalar bir-biriniń qaqpasyna gol soǵýǵa tyrysty. Degenmen qaqpa qulpy ashylǵan joq. Komandalar 0:0 esebine qanaǵat bildirdi.

Eki oıynnyń nátıjesimen «Qyzyljar» shırek fınalǵa joldama aldy.

Eske salsaq, budan buryn «Shahter» shırek fınalǵa joldama aldy.

Endi 29 sáýirde «Ordabasy» men «Maqtaral», «Atyraý» - «Aqtóbe» sheberlik baıqasady.

Al 30 sáýirde «Aqsý» men «Tobyl», «Turan» men «Kaspıı», «Aqjaıyq» pen «Qaırat», «Qaısar» men «Astana» jasyl alańǵa shyǵady.