Qazaqstan kýbogynda «Qaırat» pen «Atyraý» teń oınady

ASTANA. QazAqparat – Búgin fýtboldan Qazaqstan kýbogynyń shırek fınalynda taǵy eki oıynnyń nátıjesi belgili boldy, dep habarlaıdy QazAqparat tilshisi.

Eki oıynnyń birinde «Qaırat» Almatyda «Atyraýmen» kezdesti.

Oıyn barysynda alań ıeleri alǵashqy bolyp esep ashty. Kezdesýdiń 12-mınýtynda Vıacheslav Shvyrev kózdegen nysanadan múlt ketken joq.

Ekinshi kezeńde «Qaırat» shabýylshysy Artýr Shýshenachev óz qaqpasyna gol soǵyp aldy.

Kezdesý 1:1 esebimen teń aıaqtaldy.

Taǵy bir oıynda qostanaılyq «Tobyl» Qaraǵandynyń «Shahterin» jeńip ketti.

Kezdesýde qostanaılyq klýbtan Igor Sergeev 48-mınýtta esep ashsa, Islam Chesnokov 87-mınýtta qorytyndy esepti belgiledi.

Osylaısha «Tobyl» qarsylasynan 2:0 esebimen basym tústi.

21:00-de «Ordabasy» (Shymkent) men «Qyzyljar» (Petropavl) oıyny bastaldy.

Eske salsaq, budan buryn «Astana» elordada «Turannan» basym tústi.