Qazaqstan kýbogynda «Qaırat» «Aqjaıyqty» jeńip ketti

ASTANA. QazAqparat - Búgin fýtboldan Qazaqstan kýbogy 1/8 fınalynda almatylyq «Qaırat» Oraldyń «Aqjaıyǵynan» basym tústi, dep habarlaıdy QazAqparat tilshisi.

Almatylyq «Qaırat» óz alańynda Oraldyń «Aqjaıyǵymen» kezdesti.

Bıyl oraldyq klýb birinshi lıgada dop tebedi. Al «Qaırat» negizinen óz akademııasynda tárbıelenip shyqqan túlekterge senim artyp júrgeni belgili.

Oıyn barysynda komandalar shabýylǵa kóshti. Degenmen birinshi kezeńde tablodaǵy esepke ózgeris engen joq.

Ekinshi kezeńde oraldyq klýbtan Evgenıı Kobzar 56-mınýtta «Qaıratyń» qaqpashysyn qapy qaldyryp ketti. Al «Qaırat» sapynan Dmıtrıı Sergeev 66, Artýr Shýshenachev 68-mınýtta eki gol soǵyp ketti.

Osylaısha «Qaırat» qarsylasynan 2:1 esebimen basym tústi.

Taǵy bir kezdesýde Qostanaıdyń «Tobyly» óz alańynda Pavlodar oblysynyń «Aqsýymen» sheberlik baıqasýda. Birinshi kezeńnen keıin qostanaılyq klýbtan 1:0 esebimen basym túsýde. Olardyń qatarynan Ivan Rogach 22-mınýtta mergendik tanytty.

Eske salsaq, budan buryn «Qyzyljar» «Jetisýdy» 3:0 esebimen súrindirse, «Kaspıı» «Turanǵa» 0:1 esebimen jol berdi.

Sondaı-aq, «Shahter» «Oqjetpesten» 1:0 esebimen basym tússe, «Aqtóbe» men «Atyraý» 2:2 esebine qanaǵat bildirdi.

Endi elorda ýaqytymen 21:00-de «Ordabasy» (Shymkent) - «Maqtaral» (Túrkistan oblysy), «Astana» - «Qaısar» (Qyzylorda) jasyl alańǵa shyǵady.

Qarymta oıyn 29 jáne 30 sáýir kúnderine belgilengen.