Qazaqstan kýbogy úshin oıynda «Aqjaıyq» pen «Qaısar» teń tústi

ORAL. QazAqparat – Qazaqstan kýbogy úshin toptyq básekede Oraldyń «Aqjaıyǵy» óz alańynda Qyzylordanyń «Qaısaryn» qabyldady, dep habarlaıdy QazAqparat tilshisi.

Bul match qorjynynda 9 upaıy bar qos komanda úshin de mańyzdy bolatyn. Qaı klýb utsa, sol merziminen buryn shırek fınalǵa joldama alatyn edi.

Aldymen, «Aqjaıyqtyń» qorǵaýshysy Eldar Abdrahmanov qolmen oınap, tártip buzǵannan keıin 10-mınýtta qonaqtardan Elıseı Gorshýnov aıyp dobyn ádemi oryndaı bildi. Degenmen, alty mınýttan soń oraldyqtar sapyndaǵy grýzııalyq shabýylshy Toma Tabatadze tarazy basyn teńestirdi – 1:1. Sóıtip, T. Tabatadze bıylǵy kýboktaǵy tórtinshi golyn soqty.

Ekinshi taım basynda 49-mınýtta Bekzat Qurmanbekuly alystan qaqpa buryshyn dál kózdep, «Qaısardy» taǵy alǵa shyǵardy – 2:1. Degenmen, 97-mınýtta qarsylastar sapyndaǵy reseılik Artýr Gazdanov esepti teńestirip ketti – 2:2.

Osylaısha, «Qaısar» men «Aqjaıyq» óz tobynda 10 upaımen alda keledi. «Kaspııdiń» enshisinde 4, «Qyzyljarda» 1 ǵana upaı bar. Qalǵan eki oıynda «Kaspıı» upaı joǵaltsa, qyzylordalyqtar da, oraldyqtar da shırek fınalǵa shyǵady.

Eske sala keteıik, budan buryn Qazaqstan kýbogy úshin oıynda «Aqjaıyqtyń» «Qyzyljardy» utqanyn jazǵan bolatynbyz.

Sýretterdi túsirgen Aıbatyr Nurash.