Qazaqstan kýbogy: «Ordabasy» shırek fınaldyń tórtinshi joldamasyna ıe boldy

ASTANA. QazAqparat - Fýtboldan Qazaqstan kýbogy shırek fınalyna shyqqan taǵy bir komanda anyqtaldy, dep habarlaıdy QazAqparat tilshisi.

Qazaqstan kýbogynyń 1/8 fınalynyń qarymta oıynyndaǵy bir kezdesý «Maqtaral» (Túrkistan oblysy) men «Ordabasy» (Shymkent) arasynda ótti.

Eki komanda arasyndaǵy alǵashqy oıynda «Maqtaral» 2:1 esebimen jeńiske jetken edi.

Búgingi kezdesýde olardyń qatarynan Hýan Sandoval 14-mınýtta esep ashqan edi. Oǵan «Ordabasy» sapynan Ashat Taǵybergen 69, 84, Vsevolod Sadovskıı 76, Shahboz Ýmarov 92-mınýtta tórt gol soǵyp ketti.

Osylaısha «Ordabasy» qarsylasynan 4:1 esebimen basym túsip, shırek fınalǵa berilgen tórtinshi joldamaǵa qol jetkizdi.

Eske salsaq, 29 sáýirde «Shahter», «Qyzyljar», «Atyraý» komandalary shırek fınalǵa joldama aldy.

Al 30 sáýirde «Aqsý» (Pavlodar oblysy) men «Tobyl» (Qostanaı), «Turan» (Túrkistan) men «Kaspıı» (Aqtaý), «Aqjaıyq» (Oral) pen «Qaırat» (Almaty), «Qaısar» (Qyzylorda) men «Astana» jasyl alańǵa shyǵady.