Qazaqstan qosymsha júk paromdaryn satyp alýy múmkin

NUR-SULTAN. QazAqparat – QR Premer-Mınıstri Álıhan Smaıylov Indýstrııa, Qarjy, Ulttyq ekonomıka mınıstrlikterine jyljymaly temir jol quramdary men teńiz paromdaryn satyp alý sharalaryn ázirleýdi tapsyrdy, dep habarlaıdy QazAqparat tilshisi.

«Jyljymaly júk vagondarynyń parki jyldan jylǵa tozyp keledi. Al tolyqqandy teńiz saýda flotynyń bolmaýynan, teńiz logıstıkalyq ınfraqurylymyn tolyq qýatynda paıdalana almaı otyrmyz. Sondyqtan Indýstrııa mınıstrligine Qarjy, Ulttyq ekonomıka mınıstrlikterimen, «Qazaqstan temir joly» kompanııasymen birlesip, jyljymaly temir jol quramdary men teńiz paromdaryn satyp alý jáne jańartý úshin qoldaý sharalaryn ázirleýdi tapsyramyn», - dei ol Úkimet otyrysynda.

Sondaı-aq, ol bıyl respýblıkalyq mańyzy bar 3,6 myń shaqyrym avtojol salynyp, jóndeletinin atap ótti.

«Indýstrııa mınıstrligi «Qazavtojol» kompanııasymen birge bıylǵy qurylys maýsymyn barynsha tıimdi paıdalanyp, josparlanǵan 8 ýchaskeniń barlyǵyn iske qosýdy qamtamasyz etsin.

Tranzıttik tasymal áleýetin arttyrý úshin shekaradan ótý kezindegi ákimshilik kedergilerdi azaıtý qajet. Kedendik-shekaralyq rásimderdi múmkindiginshe jeńildetý kerek», - dedi Premer-Mınıstr.