Qazaqstan kóshpendiler oıyndaryn uıymdastyrýǵa kóp kúsh saldy – Bilál Erdoǵan

<p>ASTANA. KAZINFORM &ndash; Dúnıejúzilik etnosport konfederatsııasynyń prezıdenti Bilál Erdoǵan Astanadaǵy V dúnıejúzilik kóshpendiler oıyndarynyń ashylý saltanatyna qatysty.&nbsp;</p>

«Dúnıejúzilik kóshpendiler oıyndaryn tamashalaýǵa Qazaqstan elordasy Astana qalasyna at basyn burǵanyma óte qýanyshtymyn. Bul shara tek dástúrli sport túrlerin biriktirý úshin ǵana emes, álemge ortaq mádenı muramyzdy saqtap qalýǵa jáne ony bolashaq urpaqqa tabystaýǵa bel býǵanymyzdy kórsetetin mańyzdy oqıǵa. Qazaqstan kóshpendiler oıyndaryn uıymdastyrýǵa kóp kúsh jumsady. Bul qazaq halqynyń kúsh qýatyn, dástúrge degen adaldyǵyn aıqyn kórsetti», - dedi Bilál Erdoǵan saltanatty sharada.

Foto: Aqorda

Sondaı-aq, sheteldik meıman Memleket basshysy men dúbirli dodany uıymdastyrýǵa atsalysqan jandarǵa alǵys aıtty. 

«Baýyrlas elderdiń dúnıejúzilik kóshpendiler oıyndary yntymaq, birligin nyǵaıtady. Astanada Uly Dala dúbiri uranymen ótken bul qundy jıyn tek sport jankúıerleri arasynda ǵana emes, sonymen qatar barlyq elder, ásirese Túrkııa men Qazaqstan úshin jańa dostyq, yntymaqtastyq, mádenı aýys-túıiske serpin beretinine nyq senemin», - deıdi ol. 

Aıta keteıik, Astanada bastalǵan V dúnıejúzilik kóshpendiler oıyndarynyń saltanatty ashylýyna Memleket basshysy Qasym-Jomart Toqaev qatysty.