Qazaqstan kórshilerin de umytpaýy qajet - BUU
Shımomýranyń aıtýynsha, BUU turaqty damý maqsattary aıasynda kedeıshilikti barynsha azaıtyp, ekonomıkalyq damýdy bir deńgeıge kóterý mindeti bar. Al, eń bastysy, birde-bir memleketti artta qaldyrýǵa bolmaıdy. "Shyny kerek, Qazaqstan táýelizdik alǵaly beri biraz jetistikterge jetti. Birinshi kúnnen bastap xalyqaralyq máselelerge de tyǵyz aralasa bastady. Búginde atalǵan memleket qaýipsizdik pen bitimgerlik jaǵynan Ortalyq Azııanyń kóshbasshysyna aınaldy. ıAdrolyq qarýdy taratpaý, Aýǵanstanǵa kómek berý, Sırııa máselesin retteý - bunyń barlyǵy Qazaqstannyń jetistigi, BUU Qaýipsizdik keńesiniń turaqsyz ókili retinde ortaq iske qosqan qomaqty úlesi. Qazaqstannyń ishki jumystary da qýantady. Memlekettik qyzmetti jetildirip, jemqorlyqpen kúresip keledi. Tsıfrlyq texnologııalardy damytyp jatyr. Osynyń bári BUU turaqty damý maqsattarymen tyǵyz baılanysty", - deıdi Shımomýra.
Onyń aıtýynsha, damýdyń dańǵyl jolynda kórshi memleketterdi de umytpaý qajet. Sebebi turaqty damýdyń basty maqsaty boıynsha eshkimdi artta qaldyrmaý qajet.
Aıta keteıik, elordada "Jańa jahandyq bolmystaǵy Qazaqstannyń jańǵyrý modeli" taqyrybynda xalyqaralyq parlamenttik konferentsııa bastaldy. Atalǵan shara QR Tuńǵysh Prezıdenti kúnine arnalyp otyr. Májiliske Reseı, Ázirbaıjan, Túrkııa, Ózbekstan, Armenııa, Italııa, Ispanııa, Qytaı, Birikken Arab Ámirlikteri, Bolgarııa, Majarstan jáne taǵy basqa barlyǵy on bes eldińii delegattary qatysýda. Budan bólek, AQSh-tyń sarapshylary da keldi. Konferentsııa barysynda QR Syrtqy ister mınıstri Qaırat Ábdiraxmanov Qazaqstannyń Ortalyq Azııa basshylaryn jınaýǵa múddeli ekenin jetkizdi.