Qazaqstan kórshi elderge sý úshin aqy tólemeıdi

<p>ASTANA. KAZINFORM &ndash; QR Sý resýrstary jáne ırrıgatsııa mınıstri Nurjan Nurjigitov kórshi elderge sý úshin aqy tóleý qajet bolýy múmkindigine qatysty pikir bildirdi.</p>

«Biz basqa memleketterge sý úshin eshteńe tólemeımiz. Qazir transshekaralyq ózender úshin tólem joq», — dedi Nurjan Nurjigitov Parlament Májilisinde tilshiler suraǵyna jaýap bere otyryp.

Onyń aıtýynsha, bul kelisimder Keńes Odaǵynan qalǵan.

«1992 jyly memleket basshylary Keńes Odaǵy kezinde bolǵan kelisimderdi saqtap qaldy. Demek, burynǵy ýaǵdalastyqtar qalady jáne biz osy kelisimder aıasynda jumysty jalǵastyramyz», - dep naqtylady mınıstr.

Aıta keteıik, búgin Májilistiń jalpy otyrysynda «Halyqaralyq sý aǵyndaryn keme júrmeıtin paıdalaný túrleriniń quqyǵy týraly konventsııany ratıfıkatsııalaý týraly» Zańy qabyldandy.

Qujat transshekaralyq ózenderdi halyqaralyq quqyq negizinde paıdalanýǵa arnalǵan.