Qazaqstan – koreıler kóbeıip jatqan jalǵyz el – ıÝrıı Shın

<p>ASTANA. KAZINFORM &ndash; Koreıa Respýblıkasynyń Prezıdenti ıÝn Sok Eldiń Qazaqstanǵa memlekettik sapary eki el arasyndaǵy berik qarym-qatynasty kórsetetin mańyzdy oqıǵa boldy. Bul pikirdi Kazinform tilshisimen Qazaqstan koreıleri qaýymdastyǵynyń tóraǵasy jáne Qazaqstan halyqtary assambleıasy tóraǵasynyń orynbasary ıÝrıı Shın bólisti.</p>

«1992 jyldan bastap Qazaqstan men Ońtústik Koreıa senimdi ári berik qarym-qatynasta. Búgin biz Qazaqstannyń Ońtústik Koreıaǵa qalaı nazar aýdaratynyn jáne Ońtústik Koreıanyń Ortalyq Azııaǵa qalaı nazar aýdaratynyn kóremiz. Qazaqstanǵa ushar aldynda Ońtústik Koreıa Prezıdenti Jibek joly boıynda bolý óte qyzyqty ekenin aıtty. Sondyqtan K-Silkway baǵdarlamasy jasaldy. Sebebi Ońtústik Koreıa Prezıdenti bastaǵan delegatsııa Ortalyq Azııa elderin aralap, ózara qarym-qatynasty keńeıtýdi uıǵardy. Al Qazaqstanǵa Koreıanyń tehnologııalary óte qyzyqty. Sondyqtan eki el arasynda óte jaqsy sınergııa bolýy múmkin», - dedi ıÝrıı Shın Astana eki el Prezıdentiniń qatysýymen ótken gala-kontsert barysynda.

Sondaı-aq, qaýymdastyq tóraǵasy Memleket basshysynyń Seýl men Sıngapýrdyń úlgisi boıynsha Alataý sııaqty jańa aqyldy qalalardy salýǵa daıyn ekendigi týraly búgingi málimdemesin eske saldy.

«Biz koreıalyq kompanııalarǵa óndiristerin osynda ornalastyrý úshin tolyq qoldaý kórsetýge daıynbyz. Búginde Qazaqstanda Samsung, Lotte, Hyundai, LG jáne Kia sııaqty kompanııalar jumys isteıdi. Otandyq eksportty ulǵaıtý jáne zamanaýı óndiristerde jumys oryndaryn qamtamasyz etý úshin Qazaqstandaǵy koreı óndiristerin keńeıtýdiń úlken áleýetin kórip otyrmyz», - deıdi ol.

Odan bólek, ıÝrıı Shın qazaq halqynyń koreı halqymen uqsastyǵyn da atady.

«Eger biz jaı ǵana tildi alsaq, onda koreılerge orys tilinen góri qazaq tilin úırený ońaıyraq. Óıtkeni aıtylý jaǵynan eki til jaqynyraq. Árıne, biz tek tilmen ǵana emes, sonymen qatar ekonomıkamyzdy maqtan tutý úshin Koreıa sııaqty naqty el qurǵymyz keledi. Qazaqstandyq koreı retinde bizdiń ult bul jerde 80 jyldan astam ýaqyt turady dep aıta alamyn. Qazaq mádenıetine qoıan-qoltyq aralasyp, belsendi yqpaldasýdamyz. Biz munda beıimdelgen ultpyz jáne bizge jaıly. Qazaqstan – koreıler kóbeıip kele jatqan jalǵyz el. Eger Ortalyq Azııa elderin alsaq, basqa memleketterde koreıler sany azaıdy. Bul Qazaqstannyń ómir súrýge jaıly jáne bolashaǵymyzdy osynda josparlap otyrǵanymyzdy kórsetedi», - dedi koreıler qaýymdastyǵynyń basshysy.

Buǵan deıin habarlaǵanymyzdaı, Prezıdentter Qazaqstan men Koreıa ónerpazdarynyń gala-kontsertin tamashalady.