Qazaqstan Koreıamen densaýlyq saqtaý salasyndaǵy ózara is-qımyldy damytýǵa múddeli – Murat Nurtileý

<p>Qazaqstan Koreıamen densaýlyq saqtaý salasyndaǵy ózara is-qımyldy damytýǵa múddeli. Bul týraly &laquo;Ortalyq Azııa &ndash; Koreıa Respýblıkasy&raquo; 16-yntymaqtastyq forýmynda Premer-Mınıstrdiń orynbasary &ndash; Syrtqy ister mınıstri Murat Nurtileý aıtty, dep habarlaıdy <a href="Kazinform" target="_blank" rel="noopener">Kazinform </a>tilshisi Ashhabadtan.</p>

«Qazaqstan densaýlyq saqtaý salasyndaǵy ózara is-qımyldy damytýǵa múddeli. Bizdiń yntymaqtastyǵymyzdyń tabysty úlgisi Qazaqstannyń bilim berý jáne densaýlyq saqtaý júıelerine ońaltý medıtsınasynyń koreı ozyq tájirıbesin engizý bolyp sanalady. Ortalyq Azııa mamandary úshin oqytý jáne tájirıbe almasý tájirıbesin jalǵastyrý ózekti dep sanaımyz», - dedi Qazaqstan Syrtqy ister mınıstri.

Sonymen qatar Murat Nurtileý Qazaqstannyń 2025 jylǵa qaraı ózindik farmatsevtıka ónimderi óndirisiniń úlesin 50 paıyzǵa deıin ulǵaıtýdy josparlap otyrkǵanyn atap ótti. Osy oraıda Ortalyq Azııa aýmaǵynda dárilik shıkizatty birlesip zertteý boıynsha ýaǵdalastyqty iske asyrý asa ózekti ekendigine nazar aýdartty.

«Bul rette, áriptesterime Qazaqstannyń Bıologııalyq qaýipsizdik jónindegi halyqaralyq agenttikti qurý bastamasy týraly eske salǵym keledi. Qurylymnyń iske qosylýy osynaý sezimtal saladaǵy jahandyq standarttardy arttyrýǵa bizdiń ortaq praktıkalyq úlesimiz bolady», - dedi ol.